ایران کے سابق وزیر خارجہ کمال خرازی زخموں کی تاب نہ لاتے ہوئے انتقال کرگئے، ایرانی حکام نے ان کے انتقال کی تصدیق کردی۔
ایرانی میڈیا کے مطابق کمال خرازی گزشتہ روز خالقِ حقیقی سے جاملے۔ وہ یکم اپریل کو امریکا اور اسرائیل کی بمباری میں شدید زخمی ہوگئے تھے۔
رپورٹس کے مطابق اسی حملے میں ان کی اہلیہ موقع پر ہی جاں بحق ہوگئی تھیں جبکہ کمال خرازی کو تشویشناک حالت میں اسپتال منتقل کیا گیا تھا، تاہم وہ جانبر نہ ہوسکے۔
ایرانی حکام اور سیاسی رہنماؤں نے کمال خرازی کے انتقال پر گہرے دکھ اور افسوس کا اظہار کرتے ہوئے ان کی خدمات کو خراجِ تحسین پیش کیا ہے۔