امریکی جریدے بلومبرگ نے اپنی رپورٹ میں بھارت کی سفارتی تنہائی کو نمایاں کرتے ہوئے پاکستان کی حالیہ سفارتی کامیابیوں کو سراہا ہے۔
بلومبرگ کے مطابق امریکا اور ایران کے درمیان اہم مذاکرات کے لیے پاکستان کا انتخاب ایک بڑی پیش رفت ہے، جبکہ بھارت اس عمل میں پیچھے رہ گیا۔
جریدے کا کہنا ہے کہ پاکستان نے امریکا اور ایران کو مذاکرات کی میز پر لا کر ایک اہم سفارتی کامیابی حاصل کی ہے۔
رپورٹ میں مزید کہا گیا ہے کہ اس پیش رفت کے بعد عالمی سطح پر پاکستان کی ساکھ اور وقار میں نمایاں اضافہ ہوا ہے اور مختلف ممالک کی جانب سے پاکستان کے لیے خیرسگالی کے پیغامات موصول ہو رہے ہیں۔
بلومبرگ کے مطابق یہ پیش رفت خطے میں پاکستان کے بڑھتے ہوئے سفارتی کردار اور اہمیت کی عکاسی کرتی ہے۔