سیہون میں حضرت لعل شہباز قلندر کے مزار پر نصب نذرانہ پیٹیوں کو 8 ماہ 14 دن کے طویل وقفے کے بعد کھولا گیا، جس میں جمع ہونے والے 2 کروڑ 38 لاکھ 78 ہزار 750 روپے نکال لیے گئے۔
چیف ایڈمنسٹریٹر اوقاف مختیار ابڑو کے مطابق، رقم کی گنتی کا عمل اوقاف حکام کی نگرانی میں مسلسل 4 روز تک جاری رہا۔ نذرانے میں نہ صرف ملکی کرنسی بلکہ بڑی مقدار میں سونا، چاندی اور غیر ملکی کرنسی بھی شامل تھی۔
انتظامیہ کا کہنا ہے کہ برآمد شدہ نقد رقم بینک میں جمع کرا دی گئی ہے، جبکہ سونا اور چاندی سرکاری قواعد کے مطابق توشہ خانے میں محفوظ کردیا جائے گا۔