ڈیرہ اسماعیل خان کی تحصیل درازندہ کے گاؤں پلوسکی میں مضر صحت حلوہ کھانے سے ایک ہی خاندان کے 3 نوجوان جان کی بازی ہار گئے۔
پولیس ذرائع کے مطابق زہریلی خوراک کے باعث 2 افراد موقع پر ہی دم توڑ گئے تھے جبکہ تیسرے نوجوان نے اسپتال منتقل کیے جانے کے دوران راستے میں دم توڑا۔
جاں بحق ہونے والوں کی شناخت شیران خان، فتح محمد اور نور محمد کے ناموں سے ہوئی ہے، جن کا تعلق حاجی جمال خان کرمیزئی خاندان سے ہے۔
واقعے کے بعد لاشوں کو پوسٹ مارٹم کے لیے مفتی محمود اسپتال منتقل کردیا گیا ہے۔ ایس ایچ او درازندہ کے مطابق پولیس نے معاملے کی باقاعدہ تفتیش شروع کردی ہے۔