کینیڈین وزیراعظم مارک کارنی نے اعلان کیا ہے کہ کینیڈا اب امریکا کے ساتھ اپنے دفاعی مالی انحصار کو ختم کررہا ہے اور اس سلسلے میں واشنگٹن کو کی جانے والی دفاعی ادائیگیاں بھی روک دی گئی ہیں۔
مارک کارنی کے مطابق یہ فیصلہ کینیڈا کی خودمختاری کو مضبوط بنانے اور دفاعی پالیسی کو زیادہ خود انحصار بنانے کے لیے کیا گیا ہے۔ انہوں نے کہا کہ کینیڈا اپنی دفاعی صلاحیتوں کو بڑھانے اور اندرونی وسائل پر انحصار کو ترجیح دے گا۔
حکومتی اعلان کے بعد عوامی سطح پر اس فیصلے کو خاصی پذیرائی حاصل ہوئی ہے، جہاں شہریوں کی بڑی تعداد نے اسے قومی خودمختاری کی جانب ایک اہم قدم قرار دیا ہے۔
ماہرین کے مطابق اس فیصلے کے بعد کینیڈا اور امریکا کے درمیان دفاعی تعلقات کی نوعیت میں نمایاں تبدیلی آسکتی ہیں، جبکہ خطے کی سیکیورٹی صورتحال پر بھی اس کے اثرات مرتب ہونے کا امکان ہے۔