آسٹریلیا نے امریکا اور ایران پر زور دیا ہے کہ وہ خطے میں پائیدار امن کے قیام کے لیے دوبارہ مذاکرات کی میز پر واپس آئیں اور جنگ بندی کو ہر صورت برقرار رکھیں۔
آسٹریلوی وزیر خارجہ نے اپنے ایک حالیہ بیان میں دونوں ممالک کے درمیان مذاکرات کے کسی حتمی نتیجے پر پہنچے بغیر ختم ہونے پر گہری مایوسی کا اظہار کیا ہے۔
انہوں نے عالمی برادری کو خبردار کرتے ہوئے کہا کہ دونوں فریقین کے درمیان بڑھتی ہوئی کشیدگی اور محاذ آرائی کے عالمی معیشت پر انتہائی منفی اور دور رس اثرات مرتب ہوسکتے ہیں۔
آسٹریلوی حکومت کی جانب سے اس موقف کا اعادہ کیا گیا ہے کہ وہ اس تنازعے کا فوری، سفارتی اور پائیدار حل چاہتی ہے تاکہ عالمی استحکام کو لاحق خطرات کو کم کیا جاسکے۔
آسٹریلیا نے فریقین پر زور دیا ہے کہ وہ اشتعال انگیزی سے گریز کریں اور مذاکراتی عمل کو ترجیح دیں۔