جنوبی لبنان میں کشیدگی ایک بار پھر شدت اختیار کرگئی ہے جہاں صیہونی فوج نے اپنی کارروائیاں تیز کرتے ہوئے تاریخی شہر صور کے مختلف علاقوں کو نشانہ بنایا ہے۔
عرب میڈیا کے مطابق اس بمباری کے نتیجے میں کم از کم پانچ لبنانی شہری جاں بحق جبکہ متعدد افراد زخمی ہوگئے ہیں۔ زخمیوں کو ملبے سے نکالنے اور طبی امداد فراہم کرنے کے لیے ریسکیو آپریشن جاری ہے۔
صیہونی فوج کا دعویٰ ہے کہ حملوں میں حزب اللہ کے راکٹ لانچرز کو نشانہ بنایا گیا۔ دوسری جانب حزب اللہ نے بھی جوابی کارروائی کرتے ہوئے شمالی اسرائیل پر متعدد راکٹ فائر کیے ہیں، جس کے بعد خطے میں کشیدگی مزید بڑھ گئی ہے۔