روس کے صدر ولادی میر پیوٹن نے کہا ہے کہ ان کا ملک مشرقِ وسطیٰ میں امن کے قیام کے لیے ہر ممکن تعاون کرنے کو تیار ہے۔
روسی میڈیا کے مطابق صدر پیوٹن نے ایران کے صدر مسعود پزشکیان سے ٹیلیفون پر رابطہ کیا، جس میں باہمی دلچسپی کے امور سمیت اسلام آباد میں ہونے والے امریکا-ایران مذاکرات پر بھی تبادلہ خیال کیا گیا۔
گفتگو کے دوران صدر پیوٹن کا کہنا تھا کہ مشرقِ وسطیٰ میں جاری تنازعات کا حل صرف سفارتی ذرائع سے ہی ممکن ہے۔ انہوں نے اس بات پر زور دیا کہ خطے میں پائیدار امن کے قیام کے لیے سنجیدہ کوششیں ضروری ہیں۔
روسی صدر نے مزید کہا کہ ماسکو اس سلسلے میں ثالثی کا کردار ادا کرنے کے لیے بھی تیار ہے اور امن کی کوششوں میں اپنا مثبت کردار جاری رکھے گا۔