ایران اور امریکا کے درمیان مذاکرات میں عدم پیشرفت کے بعد عالمی منڈی میں خام تیل کی قیمتوں میں نمایاں اضافہ ریکارڈ کیا گیا ہے۔
رپورٹس کے مطابق اسلام آباد میں ہونے والے مذاکرات کسی معاہدے کے بغیر ختم ہونے کے بعد عالمی مارکیٹ میں خام تیل کی قیمت میں تقریباً 9 فیصد اضافہ دیکھا گیا۔
عالمی منڈی میں برینٹ خام تیل کی قیمت 103 ڈالر فی بیرل جبکہ ویسٹ ٹیکساس انٹرمیڈیٹ خام تیل 105 ڈالر فی بیرل سے زائد میں فروخت ہو رہا ہے۔
دوسری جانب یو اے ای مربن خام تیل کی قیمت میں معمولی کمی دیکھی گئی ہے جو ایک فیصد کمی کے ساتھ 98 ڈالر فی بیرل کی سطح پر موجود ہے۔