ترک وزیر خارجہ حقان فدان نے کہا ہے کہ آبنائے ہرمز کو کشیدگی کے بجائے سفارتکاری اور مذاکرات کے ذریعے کھولنا ہی بہترین راستہ ہے۔
ان کا کہنا تھا کہ اس اہم سمندری گزرگاہ کے حوالے سے نئے قواعد و ضوابط بعض اوقات مشکلات پیدا کرتے ہیں، تاہم اسے کھلا رکھنے کے لیے عالمی سطح پر سفارتی حل اپنانا ضروری ہے۔
انہوں نے مزید کہا کہ بین الاقوامی فورسز کو اس خطے میں مختلف چیلنجز کا سامنا رہتا ہے، اس لیے بہتر یہی ہے کہ مسئلے کو سیاسی طریقے سے حل کیا جائے۔
حقان فدان کے مطابق امریکا اور ایران کے درمیان جاری کشیدگی میں کمی اور ممکنہ جنگ بندی کے امکانات موجود ہیں کیونکہ دونوں فریقین صورتحال کی سنگینی کو سمجھتے ہیں، تاہم انہوں نے خبردار کیا کہ اگر جوہری تنازع کا حل نہ نکالا گیا تو خطے میں مزید پیچیدگیاں پیدا ہوسکتی ہیں۔