وزیر داخلہ سندھ ضیاء الحسن لنجار نے ہدایت جاری کی ہے کہ سندھ بھر میں انسداد پولیو ٹیموں کی سیکیورٹی کو مزید مؤثر بنایا جائے اور تمام اضلاع کے ایس ایس پیز خود اس مہم کی سیکیورٹی کی نگرانی کریں۔
انہوں نے واضح کیا کہ پولیو ٹیموں کو فول پروف سیکیورٹی فراہم کرنا حکومت کی اولین ترجیح ہے اور اس دوران کسی بھی قسم کی غفلت یا کوتاہی کو ہرگز برداشت نہیں کیا جائے گا۔
وزیر داخلہ نے مزید تاکید کی کہ پولیو ورکرز کی حفاظت کے لیے تمام دستیاب وسائل بروئے کار لائے جائیں اور عوام کے جان و مال کے تحفظ کے ساتھ ساتھ پولیو ٹیموں کی سیکیورٹی کو ہر صورت یقینی بنایا جائے۔