وزیراعظم شہباز شریف کو ترکیہ کے دورے کی دعوت موصول ہوئی ہے اور ذرائع کے مطابق وہ رواں ہفتے ترکیہ کا اہم دورہ کریں گے۔
اطلاعات کے مطابق وزیراعظم سعودی عرب کا دورہ مکمل کرنے کے بعد ترکیہ روانہ ہوں گے۔
سفارتی ذرائع کے مطابق وزیراعظم شہباز شریف اناطولیہ ڈپلومیسی فورم میں شرکت کریں گے جو 17 سے 19 اپریل تک انطالیہ میں منعقد ہوگا۔
فورم میں دنیا بھر سے عالمی رہنما، سفارتکار اور ماہرین شریک ہوں گے جہاں علاقائی و عالمی امور، سیکیورٹی، اور امن سے متعلق اہم معاملات پر تبادلہ خیال کیا جائے گا۔