برطانوی وزیراعظم کیئر اسٹارمر نے امریکا اور ایران کے درمیان جاری کشیدگی کو کم کرنے کے لیے پاکستان سمیت دیگر شراکت دار ممالک کی سفارتی کوششوں کا اعتراف کرتے ہوئے ان کا شکریہ ادا کیا ہے۔
پارلیمنٹ سے خطاب کرتے ہوئے انہوں نے کہا کہ ان ممالک نے خطے میں تناؤ کے خاتمے اور مذاکرات کے عمل کو آگے بڑھانے میں کلیدی کردار ادا کیا ہے اور امید ظاہر کی کہ یہ سفارتی عمل بغیر کسی مزید تصادم کے جاری رہے گا۔
برطانوی وزیراعظم نے مزید کہا کہ آبنائے ہرمز میں صورتحال کی مکمل بحالی کے لیے ابھی کام باقی ہے، کیونکہ عالمی تجارت کے تحفظ کے لیے بحری آمد و رفت کی آزادی کو یقینی بنانا ناگزیر ہے۔