اسرائیلی خفیہ ایجنسی موساد کے سربراہ ڈیوڈ برنیا نے واضح کیا ہے کہ ایران میں ان کا مشن اس وقت تک ادھورا ہے جب تک وہاں کی موجودہ حکومت کا خاتمہ نہیں ہو جاتا۔
اسرائیلی میڈیا کے مطابق موساد چیف کا کہنا تھا کہ حالیہ تنازع کے دوران ان کی ایجنسی نے تہران کے اندرونی علاقوں میں کارروائیاں کرتے ہوئے اسرائیلی فضائیہ کو انتہائی اہم اور درست معلومات فراہم کیں، جس کی مدد سے اسرائیل کے لیے خطرہ بننے والے میزائلوں کو کامیابی سے نشانہ بنایا گیا۔
ڈیوڈ برنیا نے مزید کہا کہ یہ کارروائیاں کسی وقتی مقصد کے لیے نہیں بلکہ ایک طویل مدتی منصوبے کا حصہ ہیں تاکہ حملوں کے بعد مطلوبہ نتائج حاصل کیے جاسکیں۔
انہوں نے اس عزم کا اعادہ کیا کہ موساد کی ذمہ داری اسی وقت پوری ہوگی جب ایران میں ’انتہا پسند حکومت‘ تبدیل ہوجائے گی۔
ان کے مطابق ایران میں نظام کی تبدیلی ان کا بنیادی ہدف ہے اور وہ کسی بھی ایسے خطرے کے سامنے خاموش نہیں رہیں گے جو اسرائیل کے وجود کے لیے چیلنج بن سکے۔