ایرانی صدر مسعود پزشکیان نے اپنے حالیہ بیان میں اس عزم کا اظہار کیا ہے کہ ایران کو زیر کرنے کی تمام کوششیں ناکام ثابت ہوں گی۔
انہوں نے واضح کیا کہ تہران نہ تو جنگ کی خواہش رکھتا ہے اور نہ ہی خطے میں بدامنی کا حامی ہے، تاہم ایرانی عوام کسی بھی قسم کے معاندانہ رویے کو ہرگز قبول نہیں کریں گے۔
صدر مسعود پزشکیان کا کہنا تھا کہ ایران کی پالیسی ہمیشہ سے دیگر ممالک کے ساتھ مذاکرات اور مثبت تعاون پر مبنی رہی ہے اور یہ تسلسل برقرار رکھا جائے گا۔
انہوں نے بین الاقوامی سطح پر پائے جانے والے دہرے معیار کو تنقید کا نشانہ بناتے ہوئے ایران کے خلاف ہونے والی کسی بھی قسم کی جارحانہ کارروائی کی سخت الفاظ میں مذمت کی۔