ترک صدر طیب رجب اردگان نے اسرائیلی وزیراعظم نیتن یاہو کو سخت ردِعمل دیتے ہوئے خبردار کیا ہے۔
ترک صدر نے کہا کہ بچوں کے قاتل نے سوشل میڈیا پر ان کی اور ترکیہ کی توہین کی ہے، اور وہ یہ واضح کرنا چاہتے ہیں کہ ترکیہ کوئی معمولی ریاست نہیں۔ ان کے مطابق کوئی بھی طاقت ترکیہ یا اس کے صدر کو نظر انداز نہیں کرسکتی۔
طیب اردگان نے مزید کہا کہ لبنان پر اسرائیلی حملے خطے میں امن کے امکانات کو متاثر کر رہے ہیں۔
انہوں نے زور دیا کہ جنگ بندی سے حاصل ہونے والے موقع سے مکمل فائدہ اٹھایا جانا چاہیے۔
ترک صدر کے مطابق ترکیہ خطے میں مذاکرات کے تسلسل اور جنگ بندی میں توسیع کے لیے اپنی کوششیں جاری رکھے ہوئے ہے۔