امریکی وزیرِ دفاع پیٹ ہیگسیتھ نے ایران کو سخت تنبیہ کرتے ہوئے کہا ہے کہ ایرانی حکومت کو ’دانشمندی سے فیصلہ کرنا چاہیے‘ ورنہ امریکہ کے پاس دوبارہ جنگی کارروائیاں شروع کرنے کی مکمل صلاحیت موجود ہے۔ ادھر پاکستان کے فیلڈ مارشل عاصم منیر نے آج ایرانی پارلیمنٹ کے سپیکر محمد باقر قالیباف سے ملاقات کی ہے۔
- لبنان کے صدارتی دفتر کے اہلکار نے اسرائیل کے ساتھ آئندہ مذاکرات سے متعلق ٹرمپ کے دعوے پر شکوک کا اظہار کیا
- امریکی سینیٹ نے دو ایسی قراردادیں مسترد کی ہیں جن کا مقصد اسرائیل کو تقریباً 45 کروڑ ڈالر مالیت کے بموں اور بلڈوزروں کی فروخت روکنا تھا
- امریکی سٹاک مارکیٹس نے بدھ کے روز نئی ریکارڈ سطحیں حاصل کیں۔ سرمایہ کاروں کی توجہ مذاکرات کے تسلسل اور ایران کے خلاف امریکہ اور اسرائیل کی جنگ کے ممکنہ خاتمے پر رہی۔
- امریکہ کا کہنا ہے کہ ایرانی تیل کی سمگلنگ کے نیٹ ورک پر پابندیاں عائد کی گئی ہیں
- پاکستان کے وزیر اعظم شہباز شریف نے جدہ میں سعودی ولی عہد محمد بن سلمان سے ملاقات کی ہے اور انھیں ’امن کوششوں میں پیشرفت سے آگاہ کیا‘ ہے۔ جبکہ امریکہ اور ایران کے درمیان ثالثی کی کوششوں کے سلسلے میں پاکستان کے فیلڈ مارشل عاصم منیر نے تہران کا دورہ کیا ہے
- وائٹ ہاؤس کی پریس سیکریٹری کا کہنا ہے کہ اگر ایران سے دوبارہ مذاکرات ہوئے تو ’اس بات کا قوی امکان ہے کہ وہ اسلام آباد میں ہوں گے‘
امریکی وزیرِ دفاع کی ایران کو تنبیہ: ’دانشمندی سے فیصلہ کریں‘ ورنہ امریکہ کے پاس جنگی کارروائیوں کی مکمل صلاحیت ہے
