روس نے ایران کے افزودہ یورینیم کی منتقلی کے معاملے میں کردار ادا کرنے کی پیشکش کردی ہے۔
روسی حکام کے مطابق ایران سے افزودہ یورینیم کی ممکنہ منتقلی میں روس تکنیکی اور سفارتی سطح پر سہولت فراہم کرسکتا ہے۔ ان کا کہنا ہے کہ اس عمل میں نہ صرف تکنیکی پیچیدگیاں درپیش ہیں بلکہ امریکا اور ایران کے درمیان اعتماد کی کمی بھی ایک بڑا مسئلہ ہے۔
روسی عہدیداروں نے کہا کہ ماسکو کو ایران کے ساتھ جوہری معاملات میں تعاون کا مثبت تجربہ حاصل ہے اور 2015 میں بھی روس نے افزودہ یورینیم کی منتقلی کے عمل میں اہم کردار ادا کیا تھا۔
روس کی جانب سے یہ پیشکش ایسے وقت میں سامنے آئی ہے جب ایران کے جوہری پروگرام سے متعلق عالمی سطح پر کشیدگی اور مذاکراتی کوششیں جاری ہیں۔