ایران نے امریکا کی جانب سے ایرانی تجارتی جہاز پر قبضے کے معاملے کو اقوام متحدہ کے سیکریٹری جنرل اور عالمی بحری تنظیم (IMO) کے سامنے اٹھا دیا ہے۔
ایرانی وزارت خارجہ کے مطابق امریکا کا یہ اقدام بین الاقوامی قوانین اور موجودہ سیز فائر معاہدے کی صریح خلاف ورزی ہے۔ وزارت نے اسے غیر قانونی اور مجرمانہ عمل قرار دیتے ہوئے خبردار کیا کہ اس کے خطرناک نتائج برآمد ہوسکتے ہیں۔
ایران نے مطالبہ کیا ہے کہ قبضے میں لیے گئے ایرانی جہاز، اس کے ملاحوں، عملے اور ان کے اہل خانہ کو فوری طور پر رہا کیا جائے۔ وزارت خارجہ کے مطابق جہاز پر قبضے کے دوران عملے اور ان کے خاندانوں کو دھمکیاں بھی دی گئیں۔