بھارت کی اپوزیشن جماعت کانگریس کے رہنما ملکارجن کھڑگے نے بھارتی وزیراعظم نریندر مودی پر سخت تنقید کرتے ہوئے انہیں شدید الفاظ میں ہدف بنایا ہے۔
اپنے بیان میں کانگریس رہنما نے کہا کہ ان کی جماعت برابری اور انصاف پر یقین رکھتی ہے، تاہم موجودہ حکومت کی پالیسیوں پر سنگین سوالات اٹھ رہے ہیں۔ انہوں نے نریندر مودی کو تنقید کا نشانہ بناتے ہوئے مبینہ طور پر ”دہشت گرد“ سے تعبیر کیا۔
بیان میں مزید کہا گیا کہ پہلگام واقعے کے بعد پیدا ہونے والی صورتحال اور اس سے متعلق سیاسی و سیکیورٹی ردعمل پر حکومت کو شدید تنقید کا سامنا ہے، جبکہ اس واقعے کے بعد پیدا ہونے والی سفارتی اور سیاسی ہزیمت کا سلسلہ تاحال جاری ہے۔
ملکارجن کھڑگے کے مطابق وزیراعظم مودی نے واقعے کی اطلاع ملنے کے بعد مقبوضہ کشمیر کا دورہ بھی منسوخ کیا تھا، جسے اپوزیشن نے سوالیہ نشان قرار دیا ہے۔