پاسدارانِ انقلاب ایران نے آبنائے ہرمز میں دو بحری جہازوں کو قبضے میں لینے کا دعویٰ کیا ہے، جس کے بعد خطے میں کشیدگی میں مزید اضافہ ہوگیا ہے۔
ایرانی میڈیا کے مطابق زیرِ حراست جہازوں میں سے ایک ”ایم ایس سی فرانسسکا“ مبینہ طور پر اسرائیل کی ملکیت ہے، جبکہ دوسرے جہاز پر پاناما کا جھنڈا لہرا رہا ہے۔ رپورٹس کے مطابق دونوں جہازوں کو سمندر سے ایرانی ساحل کی جانب منتقل کیا جا رہا ہے۔
ادھر برطانوی میری ٹائم سیکیورٹی ایجنسی نے بتایا ہے کہ آبنائے ہرمز میں آج تین بحری جہازوں پر فائرنگ کے واقعات پیش آئے، تاہم تمام جہاز اور عملے کے ارکان محفوظ رہے۔
ماہرین کے مطابق اس پیش رفت کے بعد عالمی بحری راستوں کی سیکیورٹی اور تیل کی ترسیل سے متعلق خدشات میں اضافہ ہوگیا ہے۔