امریکی سینیٹ میں اقلیتی لیڈر چک شومر نے صدر ڈونلڈ ٹرمپ کی پالیسیوں کو تنقید کا نشانہ بناتے ہوئے فوری طور پر جاری جنگ کے خاتمے کا مطالبہ کیا ہے۔
سماجی رابطے کے پلیٹ فارم X پر اپنے بیان میں چک شومر نے کہا کہ جنگ کے تسلسل سے امریکا کی معیشت، فوجی تیاری اور قومی سلامتی کو نقصان پہنچ رہا ہے۔ ان کا کہنا تھا کہ جوں جوں یہ جنگ طول پکڑ رہی ہے، صدر ٹرمپ مزید مشکلات میں گھر رہے ہیں۔
انہوں نے مزید کہا کہ موجودہ پالیسیوں کے باعث امریکا پہلے کے مقابلے میں کمزور پوزیشن میں آچکا ہے اور فوری طور پر پالیسی پر نظرثانی کی ضرورت ہے۔