خیبر ضلع میں سیکیورٹی فورسز اور قانون نافذ کرنے والے اداروں کی مشترکہ کارروائی کے دوران فائرنگ کے تبادلے میں 22 خوارج ہلاک ہو گئے۔ آئی ایس پی آر نے کارروائی کی تصدیق کرتے ہوئے بتایا کہ ہلاک ہونے والے عناصر مختلف دہشت گرد سرگرمیوں میں ملوث تھے۔
بیان کے مطابق آپریشن کے دوران شدت پسندوں کی اندھا دھند فائرنگ کے نتیجے میں ایک 10 سالہ بچہ شہید بھی ہوا۔ فورسز نے کارروائی کے دوران اسلحہ اور گولہ بارود بھی برآمد کیا۔
فوجی حکام کا کہنا ہے کہ علاقے میں باقی ماندہ شدت پسندوں کے خاتمے کے لیے کلیئرنس آپریشن جاری ہے جبکہ دہشت گردی کے خلاف کارروائیاں بھرپور انداز میں جاری رکھنے کے عزم کا اعادہ کیا گیا ہے۔