ڈونلڈ ٹرمپ کے ایک متنازع بیان نے بھارت میں سیاسی اور عوامی سطح پر شدید ردعمل کو جنم دیا ہے۔ امریکی صدر کے شہریت سے متعلق گفتگو کے دوران بھارت کو جہنم کا گڑھا اور بھارتیوں کو لیپ ٹاپ گینگسٹر قرار دے دیا جس پر بھارتی تلملا اٹھے، بیان کے بعد مختلف جماعتوں اور سوشل میڈیا صارفین کی جانب سے سخت ردعمل سامنے آیا۔
بھارتی حکومتی جماعت بی جے پی کے ترجمان نے معاملے پر محتاط ردعمل دیتے ہوئے کہا کہ وہ رپورٹس سے آگاہ ہیں لیکن فی الحال کوئی تفصیلی تبصرہ نہیں کریں گے۔ ان کے اس مؤقف کو بعض حلقوں میں نرم رویہ قرار دیا جا رہا ہے۔
دوسری جانب اپوزیشن جماعت کانگریس نے حکومت کو شدید تنقید کا نشانہ بناتے ہوئے کہا کہ وزیر اعظم نریندر مودی کے پاس اس معاملے پر سخت ردعمل دینے کی صلاحیت نہیں، مودی ایک کمزور وزیراعظم ہیں جس کا خمیازہ بھارت کو بھگتنا پڑ رہا ہے۔
سوشل میڈیا پر بھی اس بیان کے بعد بحث تیز ہو گئی ہے جہاں صارفین کی جانب سے حکومت پر تنقید اور مختلف آرا کا اظہار کیا جا رہا ہے۔