امریکی صدر ڈونلڈ ٹرمپ نے دعویٰ کیا ہے کہ ایران نے امریکا سے مطالبہ کیا ہے کہ آبنائے ہرمز پر عائد کسی بھی قسم کی پابندی یا بندش کو فوری طور پر ختم کیا جائے۔
ٹرمپ کے مطابق ایران نے یہ پیغام دیا ہے کہ وہ اس وقت ”انتہائی کمزور اور مشکل صورتحال“ سے گزر رہا ہے اور خطے میں جاری کشیدگی کے باعث اسے معاشی و تزویراتی دباؤ کا سامنا ہے۔
انہوں نے یہ بات خطے کی صورتحال پر گفتگو کرتے ہوئے کہی تاہم اس حوالے سے مزید تفصیلات فراہم نہیں کی گئیں کہ یہ پیغام کس ذریعے سے موصول ہوا۔
واضح رہے کہ آبنائے ہرمز دنیا کی اہم ترین سمندری گزرگاہوں میں سے ایک ہے، جہاں سے عالمی تیل کی بڑی مقدار گزرتی ہے، اور حالیہ عرصے میں اس خطے کی صورتحال کشیدہ رہی ہے۔