ایرانی سرکاری میڈیا نے دعویٰ کیا ہے کہ پاسدارانِ انقلاب نے امریکی اور اسرائیلی ہتھیاروں کی ریورس انجینئرنگ کا عمل شروع کردیا ہے۔
پریس ٹی وی کی رپورٹ کے مطابق پاسدارانِ انقلاب نے ہرمزگان صوبے میں 15 امریکی میزائلوں کو کامیابی سے ناکارہ بنایا، جس کے بعد انہیں ٹیکنیکل اور ریسرچ یونٹس کے حوالے کردیا گیا ہے تاکہ ان کا تجزیہ اور ریورس انجینئرنگ کی جاسکے۔
رپورٹ میں مزید کہا گیا ہے کہ تجزیے کے لیے دیے گئے ہتھیاروں میں ایک جی بی یو-57 بنکر بسٹر بم بھی شامل ہے۔
ایرانی میڈیا ان ہتھیاروں کو تحفہ قرار دے رہا ہے اور اس حوالے سے مؤقف اختیار کیا جا رہا ہے کہ موجودہ صورتحال نے میدان جنگ کو ملک کی دفاعی صنعت کے لیے ایک عملی ریسرچ لیبارٹری میں تبدیل کردیا ہے۔