نیٹو نے جرمنی سے امریکی افواج کے ممکنہ انخلا کے معاملے پر وضاحت طلب کرلی ہے اور اس حوالے سے واشنگٹن سے تفصیلات مانگ لی ہیں۔
نیٹو حکام کے مطابق امریکا کے اس اقدام سے یورپ کی سلامتی متاثر ہوسکتی ہے، اس لیے ضروری ہے کہ جرمنی سے فوجیوں کے انخلا سے متعلق منصوبہ واضح کیا جائے۔ حکام کا کہنا ہے کہ افواج کی تعیناتی یا انخلا جیسے اہم فیصلوں پر اتحادی ممالک سے مشاورت ناگزیر ہوتی ہے۔
دوسری جانب پینٹاگون جرمنی سے تقریباً پانچ ہزار امریکی فوجیوں کے انخلا پر غور کر رہا ہے۔
گزشتہ روز ڈونلڈ ٹرمپ نے اپنے بیان میں کہا تھا کہ ایران کے خلاف ممکنہ جنگ پر بعض یورپی ممالک کی مخالفت کے باعث امریکا اٹلی اور اسپین میں تعینات اپنے فوجیوں کی تعداد کم کرنے پر بھی غور کر رہا ہے۔