ہیکرز نے متحدہ عرب امارات کی فجیرہ بندرگاہ کے خلاف سائبر حملہ کرتے ہوئے لاکھوں خفیہ دستاویزات حاصل کرنے کا دعویٰ کیا ہے۔
ایرانی میڈیا کے مطابق ہیکر گروپ حنظلہ ہیکر گروپ نے دعویٰ کیا ہے کہ اس نے فجیرہ بندرگاہ کے نظام کو نشانہ بنا کر شپنگ، مالیات اور انفراسٹرکچر سے متعلق 4 لاکھ 30 ہزار سے زائد خفیہ دستاویزات تک رسائی حاصل کی۔
رپورٹس کے مطابق یہ معلومات بندرگاہ پر ٹارگٹڈ کارروائیوں میں استعمال کی جا سکتی ہیں۔ ہیکر گروپ نے دعویٰ کیا ہے کہ متحدہ عرب امارات اور اسرائیل کے درمیان تعاون ان کی نگرانی میں ہے اور اس کے سنگین نتائج ہو سکتے ہیں۔
سائبر سیکیورٹی ماہرین کے مطابق اس نوعیت کے دعوؤں کی آزادانہ تصدیق جاری ہے جبکہ متعلقہ اداروں نے معاملے کی تحقیقات شروع کر دی ہیں۔