امریکی حملے کا نشانہ بننے والا ایرانی کمرشل بحری جہاز 'ایم وی ٹوسکا' مرمت کی غرض سے کراچی کی بندرگاہ پہنچ گیا ہے۔
میرین ٹریفک کے مطابق اس جہاز پر 19 اپریل کو خلیج عمان میں حملہ ہوا تھا، جس کے بعد اب اسے پاکستان لایا گیا ہے۔
ذرائع کا کہنا ہے کہ متاثرہ ایرانی بحری جہاز کی مرمت کراچی شپ یارڈ میں کیے جانے کا امکان ہے۔ اس سے قبل جہاز کے عملے کو امریکا کی جانب سے پہلے ہی پاکستان کے حوالے کردیا گیا تھا، جہاں سے تمام ارکان براستہ زمینی راستہ ایران واپس پہنچ چکے ہیں۔
اب جہاز کو باقاعدہ طور پر آپریشنل بنانے کے لیے کراچی میں اس کی تکنیکی جانچ اور ضروری مرمت کا عمل شروع کیا جائے گا۔