روس کے صدر ولادیمیر پیوٹن ایک غیر معمولی اور انسانی جذبات سے بھرپور انداز میں اس وقت خبروں کی زینت بن گئے جب وہ خود گاڑی چلا کر اپنی سابق استانی کو لینے پہنچ گئے۔
سوشل میڈیا پر وائرل ہونے والی ویڈیوز میں دیکھا جا سکتا ہے کہ صدر پیوٹن اپنی استاد کا نہایت احترام کے ساتھ استقبال کرتے ہیں انہیں گلدستہ پیش کرتے ہیں گلے ملتے ہیں اور گاڑی میں بیٹھنے میں مدد بھی فراہم کرتے ہیں۔
بعد ازاں پیوٹن اپنی سابق استانی کو صدارتی محل بھی لے گئے جہاں ان کے احترام بھرے انداز کو صارفین نے استاد کے وقار اور احترام کی خوبصورت مثال قرار دیا ہے۔
یہ مناظر ایسے وقت میں سامنے آئے ہیں جب روسی صدر نے حالیہ سیاسی اور عالمی امور پر بھی گفتگو کی۔ ماسکو میں یومِ فتح کی تقریب کے بعد میڈیا سے بات کرتے ہوئے انہوں نے کہا کہ یوکرین تنازع اب کسی ممکنہ حل کی جانب بڑھ رہا ہے۔ان کے مطابق خطے میں جاری کشیدگی میں کمی کے امکانات موجود ہیں اور عالمی سطح پر صورتحال بہتری کی طرف جا سکتی ہے۔