متحدہ عرب امارات نے اسرائیلی وزیراعظم نیتن یاہو کے مبینہ خفیہ دورۂ امارات کی سختی سے تردید کر دی ہے۔
اس سے قبل اسرائیلی وزیراعظم کے دفتر کی جانب سے جاری بیان میں دعویٰ کیا گیا تھا کہ نیتن یاہو نے ایران جنگ کے دوران متحدہ عرب امارات کا خفیہ دورہ کیا اور اماراتی صدر سے ملاقات بھی کی جسے دونوں ممالک کے تعلقات میں اہم پیش رفت قرار دیا گیا تھا۔
تاہم اماراتی وزارت خارجہ نے ان دعوؤں کو بے بنیاد قرار دیتے ہوئے کہا ہے کہ غیر اعلانیہ دوروں سے متعلق خبریں درست نہیں۔ وزارت خارجہ کے مطابق متحدہ عرب امارات اور اسرائیل کے تعلقات باضابطہ طور پر ابراہیمی معاہدوں کے تحت قائم ہیں اور یہ تعلقات کسی خفیہ یا غیر اعلانیہ رابطے پر مبنی نہیں۔
اماراتی وزارت خارجہ نے واضح کیا کہ ریاست میڈیا سے توقع رکھتی ہے کہ وہ درست معلومات کے ساتھ رپورٹنگ کرے اور غیر مصدقہ دعوؤں سے گریز کیا جائے۔