امریکی صدر ڈونلڈ ٹرمپ اور شی جن پنگ نے امریکا اور چین کے درمیان تعاون اور مثبت تعلقات کو فروغ دینے کے عزم کا اظہار کیا ہے۔
چینی صدر شی جن پنگ نے اپنے بیان میں کہا کہ چین محاذ آرائی کے بجائے شراکت داری اور باہمی تعاون پر یقین رکھتا ہے۔ انہوں نے زور دیا کہ دونوں ممالک کو دنیا کے فائدے کے لیے مشترکہ ذمہ داری ادا کرنی چاہیے اور ایک دوسرے کی کامیابی کی حمایت کرنی چاہیے۔
شی جن پنگ کا کہنا تھا کہ امریکا اور چین کے درمیان اسٹریٹجک تعلقات کو مزید مضبوط بنانا وقت کی اہم ضرورت ہے۔
دوسری جانب امریکی صدر ڈونلڈ ٹرمپ نے کہا کہ انہیں چین میں تاریخی استقبال ملا۔ انہوں نے اس بات سے اتفاق کیا کہ مخالفت کے بجائے تعاون بہتر راستہ ہے۔
صدر ٹرمپ نے مزید کہا کہ امریکا اور چین کے تعلقات کو مثبت سمت میں آگے بڑھتے رہنا چاہیے تاکہ دونوں ممالک اور دنیا کو فائدہ پہنچ سکے۔