کراچی کے علاقے نیپا فلائی اوور کے قریب گیس پائپ لائنز کی لوئرنگ کے کام کے دوران متاثر ہونے والے تمام علاقوں میں گیس کی فراہمی بحال کردی گئی ہے۔
سوئی سدرن گیس کمپنی کے مطابق لیاقت نیشنل اسپتال، آغا خان اسپتال اور کراچی سینٹرل پرزن سمیت شہر کے متعدد علاقوں میں گیس بحال ہوگئی ہے۔
جن علاقوں میں گیس کی فراہمی بحال کی گئی ہے ان میں گلشنِ اقبال کے تمام بلاکس، پی آئی بی کالونی، جمشید روڈ، لائنز ایریا، پی ایچ ایس سوسائٹی، صدر، کھارادر کے بعض علاقے، لیاری، گارڈن اور ان کے اطراف کے علاقے شامل ہیں۔