بلوچستان کے علاقے منگلہ زرغون غر میں سیکیورٹی فورسز کے انٹیلی جنس بیسڈ آپریشن کے دوران فتنہ الہندوستان سے تعلق رکھنے والے 35 سے زائد خوارج ہلاک جبکہ تین اہم کمانڈرز کو گرفتار کرلیا گیا۔
معاون خصوصی وزیراعلیٰ بلوچستان شاہد رند کے مطابق 13 مئی سے جاری آپریشن میں سیکیورٹی فورسز نے اہم کامیابیاں حاصل کیں اور دہشتگردوں کے متعدد ٹھکانے اور کیمپس تباہ کر دیے گئے۔ انہوں نے بتایا کہ گرفتار کمانڈرز سے اہم معلومات حاصل ہوئی ہیں، جن کی بنیاد پر مزید کارروائیاں جاری ہیں۔
شاہد رند کا کہنا تھا کہ بلوچستان اور پاکستان کے امن و استحکام کے لیے یہ آپریشن ناگزیر ہے، جبکہ فتنہ الخوارج کے سہولت کاروں اور پشت پناہی کرنے والے عناصر کے گرد گھیرا مزید تنگ کیا جا رہا ہے۔
انہوں نے اس عزم کا اظہار کیا کہ ریاست پاکستان دہشتگردی کے مکمل خاتمے تک اپنی کارروائیاں جاری رکھے گی۔