یوکرین نے روس پر گزشتہ تین برس میں اپنی نوعیت کا سب سے بڑا ڈرون حملہ کیا ہے، جس کے نتیجے میں مختلف علاقوں میں جانی نقصان اور زخمی ہونے کے واقعات رپورٹ ہوئے ہیں۔
غیر ملکی میڈیا کے مطابق یوکرینی افواج نے ماسکو ریجن سمیت روس کے متعدد مقامات پر 500 سے زائد ڈرونز داغے۔ حکام کے مطابق حملوں میں 4 افراد ہلاک ہوئے جن میں سے 3 افراد ماسکو میں نشانہ بنے۔
رپورٹس میں دعویٰ کیا گیا ہے کہ مرنے والوں میں ایک بھارتی شہری بھی شامل ہے، جبکہ حملوں کے دوران 3 بھارتیوں سمیت متعدد افراد زخمی بھی ہوئے۔
دوسری جانب روسی دفاعی نظام کے مطابق بڑی تعداد میں ڈرونز کو ناکارہ بنا دیا گیا۔ روسی حکام کا کہنا ہے کہ مجموعی طور پر 81 ڈرونز کو فضا میں ہی تباہ کیا گیا۔
حملے کے بعد ماسکو اور دیگر متاثرہ علاقوں میں سیکیورٹی مزید سخت کردی گئی ہے جبکہ صورتحال کی مسلسل نگرانی جاری ہے۔