چین اور روس نے باہمی تعاون کو مزید مضبوط بنانے کے لیے 20 سے زائد معاہدوں اور مفاہمتی یادداشتوں پر دستخط کر دیے۔
غیر ملکی میڈیا کے مطابق چینی صدر شی جن پنگ اور روسی صدر ولادیمیر پیوٹن کے درمیان بیجنگ کے گریٹ ہال آف دی پیپل میں اہم ملاقات ہوئی، جس میں دوطرفہ تعلقات، علاقائی صورتحال اور اسٹریٹیجک تعاون پر تبادلہ خیال کیا گیا۔
ملاقات کے دوران دونوں رہنماؤں نے جامع اسٹریٹیجک تعاون سے متعلق مشترکہ اعلامیے پر بھی دستخط کیے۔
رپورٹس کے مطابق دستخط ہونے والی مفاہمتی یادداشتوں اور معاہدوں میں تجارت، توانائی، ٹیکنالوجی، معیشت اور دیگر شعبوں میں تعاون کو فروغ دینے پر اتفاق کیا گیا ہے۔
چینی اور روسی قیادت نے اس عزم کا اظہار کیا کہ دونوں ممالک باہمی شراکت داری کو مزید وسعت دینے اور مختلف شعبوں میں تعاون بڑھانے کے لیے مشترکہ اقدامات جاری رکھیں گے۔