لندن: ریڈیو کیرولائن نے کمپیوٹر سسٹم میں خرابی کے باعث برطانیہ کے بادشاہ شاہ چارلس سوم کی وفات سے متعلق غلط اعلان نشر ہونے پر معذرت کر لی ہے۔
ریڈیو انتظامیہ کے مطابق تکنیکی خرابی کے نتیجے میں ہنگامی نشریاتی نظام خودکار طور پر فعال ہوگیا، جس کے باعث بادشاہ کی وفات سے متعلق غلط خبر نشر ہوئی۔
انتظامیہ کا کہنا ہے کہ خرابی سامنے آنے کے بعد ریڈیو اسٹیشن کچھ وقت کے لیے بندش کا شکار بھی رہا، تاہم بعد ازاں مسئلہ حل کرکے نشریات بحال کردی گئیں۔
ریڈیو کیرولائن نے غلط اعلان پر سامعین سے معذرت کرتے ہوئے واضح کیا کہ شاہ چارلس سوم خیریت سے ہیں اور نشر ہونے والی خبر محض تکنیکی خرابی کا نتیجہ تھی۔