ملک بھر میں غیرقانونی طور پر مقیم افغان باشندوں کی واپسی کا سلسلہ جاری ہے، اور مئی کے دوران اب تک ایک لاکھ 15 ہزار سے زائد افغان شہریوں کو واپس افغانستان بھیجا جا چکا ہے۔
رپورٹ کے مطابق اکتوبر 2023 سے اب تک مجموعی طور پر 24 لاکھ 22 ہزار سے زائد افغان باشندوں کو ملک بدر کیا گیا ہے۔ واپسی کے عمل کے دوران تمام افراد کی بایومیٹرک تصدیق بھی کی گئی۔
سرکاری اعداد و شمار کے مطابق گزشتہ روز 6 ہزار 773 افغان شہریوں کو واپس بھیجا گیا، جبکہ 19 مئی کو چمن بارڈر کے ذریعے 7 ہزار 163 افراد اپنے سامان سمیت افغانستان واپس گئے۔
حکام کے مطابق واپسی کا عمل مقررہ طریقہ کار کے تحت جاری ہے اور بارڈر انتظامات کو مزید مؤثر بنایا جا رہا ہے۔