چین کے شہر چینگ زی میں واقع لیوشین یو کوئلہ کان میں ہونے والے دھماکے میں کم از کم 82 افراد ہلاک جبکہ متعدد زخمی ہو گئے۔
غیر ملکی میڈیا رپورٹس کے مطابق گزشتہ شام کان میں گیس بھر جانے کے باعث زور دار دھماکا ہوا، جس کے بعد ابتدائی طور پر 8 افراد کی ہلاکت کی اطلاعات سامنے آئی تھیں، تاہم بعد ازاں ہلاکتوں کی تعداد بڑھ کر 82 ہو گئی۔
چینی حکام کے مطابق متعدد افراد تاحال لاپتہ ہیں جبکہ امدادی ٹیمیں متاثرہ کان میں سرچ آپریشن میں مصروف ہیں۔
حکام کا کہنا ہے کہ زخمیوں کو قریبی اسپتالوں میں منتقل کر دیا گیا ہے جبکہ واقعے کی وجوہات جاننے کے لیے تحقیقات کا آغاز کر دیا گیا ہے۔چینی حکام نے اعلان کیا ہے کہ حادثے کے ذمہ دار افراد کے خلاف سخت کارروائی کی جائے گی۔