ٹرمپ انتظامیہ نے امریکا میں گرین کارڈ حاصل کرنے کے عمل کو مزید سخت کرتے ہوئے نئی امیگریشن گائیڈلائن جاری کر دی ہے۔
امریکی شہریت اور امیگریشن سروسز (یو ایس سی آئی ایس) کے مطابق اب غیر ملکی افراد کو امریکا میں مستقل رہائش یا گرین کارڈ کے لیے عمومی طور پر بیرونِ ملک سے ہی درخواست دینا ہوگی۔
نئی ہدایات کے تحت امریکا میں عارضی طور پر مقیم افراد، جن میں انٹرنیشنل طلبہ، عارضی ورکرز اور سیاح شامل ہیں، انہیں گرین کارڈ کے لیے اپنے آبائی ممالک واپس جا کر درخواست دینا ہوگی۔
یو ایس سی آئی ایس کے ترجمان نے کہا کہ صرف انتہائی غیر معمولی حالات میں ہی امریکا کے اندر رہتے ہوئے اسٹیٹس ایڈجسٹمنٹ کی اجازت دی جا سکے گی۔
ماہرین کے مطابق نئی پالیسی سے امریکا میں مقیم ہزاروں غیر ملکی افراد متاثر ہو سکتے ہیں، جبکہ امیگریشن کے عمل میں مزید سختی اور پیچیدگی آنے کا امکان بھی ظاہر کیا جا رہا ہے۔