اسرائیل نے لبنان کی وادی بیقاع پر فضائی حملے کیے ہیں جن میں کم از کم 30 افراد جاں بحق جبکہ 40 سے زائد زخمی ہوگئے۔روسی میڈیا رپورٹس کے مطابق گزشتہ چند گھنٹوں کے دوران اسرائیل نے لبنان کے مختلف علاقوں پر 180 حملے کیے۔
میڈیا رپورٹس میں بتایا گیا ہے کہ جاں بحق ہونے والوں میں 4 بچے اور 3 خواتین بھی شامل ہیں، جبکہ متعدد زخمیوں کی حالت تشویشناک بتائی جا رہی ہے۔
اسرائیلی حملوں کے بعد علاقے میں زرد رنگ کے گھنے بادل فضا میں بلند ہوتے دکھائی دیے جو میلوں دور تک نظر آئے جبکہ امدادی ٹیمیں متاثرہ علاقوں میں امدادی کارروائیوں میں مصروف ہیں۔