گلگت بلتستان کے ضلع دیامر میں حلقہ جی بی اے 18 تانگیر میں مسلم لیگ (ن) کی انتخابی ریلی میں فائرنگ کے نتیجے میں نوجوان جاں بحق جبکہ 3 افراد زخمی ہوگئے۔
پولیس کا کہنا ہے کہ مسلم لیگ (ن) کی انتخابی ریلی کے دوران مبینہ طور پر ہاتھ سے پھسل جانے والی بندوق چلنے سے لوگوں کو گولیاں لگیں۔ جس کے نتیجے میں ایک نوجوان جاں بحق ہوا جبکہ 3 افراد زخمی بھی ہوئے۔
ہوم سیکریٹری گلگت بلتستان فیصل احسن پیرزادہ کے مطابق ڈی آئی جی اور ایس پی کو واقعے کی انکوائری اور الیکشن مہم کی سیکیورٹی مزید سخت کرنے کی ہدایت کی گئی ہے۔