کراچی میں پانی کی شدید بندش اور قلت کے خلاف شہریوں نے احتجاج کرتے ہوئے لیاری ایکسپریس وے کو ٹریفک کے لیے مکمل طور پر بلاک کردیا۔
پانی کی عدم فراہمی سے پریشان علاقے کے مکینوں کی بڑی تعداد سڑکوں پر نکل آئی، جس کی وجہ سے ایکسپریس وے اور اس سے متصل راستوں پر گاڑیوں کی لمبی لائنیں لگ گئیں اور بدترین ٹریفک جام دیکھنے میں آیا۔
احتجاج کے باعث مسافروں کو شدید مشکلات کا سامنا کرنا پڑ رہا ہے جبکہ مظاہرین کا مطالبہ ہے کہ علاقے میں پانی کی فوری فراہمی کو یقینی بنایا جائے۔