الیکشن کمیشن آزاد کشمیر نے عام انتخابات کی تاریخ کا اعلان کرتے ہوئے کہا ہے کہ انتخابات 27 جولائی کو منعقد ہوں گے۔
الیکشن کمیشن کے مطابق آزاد کشمیر میں انتخابی عمل مقررہ تاریخ کے مطابق مکمل کیا جائے گا۔
دوسری جانب گزشتہ روز آزاد کشمیر قانون ساز اسمبلی نے کشمیری مہاجرین کی 12 نشستیں برقرار رکھنے کی قرارداد منظور کی تھی۔ قرارداد میں کہا گیا کہ مہاجرین کی نمائندگی ایک تاریخی اور آئینی حقیقت ہے اور انتخابی اصلاحات کا اختیار منتخب اسمبلی کے پاس ہونا چاہیے۔
قرارداد میں مزید کہا گیا کہ آئینی اصلاحات پر سیاسی جماعتوں، بار ایسوسی ایشنز، بار کونسل اور سول سوسائٹی سے مشاورت ضروری ہے۔