پاکستان پیپلز پارٹی کے چیئرمین بلاول بھٹو زرداری نے گلگت بلتستان کے نامزد کردہ وزیراعلیٰ اور پارٹی کے صوبائی صدر امجد حسین ایڈووکیٹ سے ٹیلی فونک رابطہ کیا ہے۔
پیپلز پارٹی گلگت بلتستان کی سیکریٹری اطلاعات سعدیہ دانش کے مطابق چیئرمین بلاول بھٹو زرداری نے امجد حسین ایڈووکیٹ کو حکومت سازی کے عمل سے متعلق اہم ہدایات جاری کیں۔
انہوں نے بتایا کہ چیئرمین پیپلز پارٹی نے نامزد وزیراعلیٰ کو عوام کے آئینی، جمہوری اور معاشی حقوق کے تحفظ اور ان پر مؤثر عمل درآمد یقینی بنانے کی بھی ہدایت کی۔
پارٹی ذرائع کے مطابق امجد حسین ایڈووکیٹ اس وقت پیپلز پارٹی گلگت بلتستان کے صدر بھی ہیں، اور ان کی نامزدگی کو خطے کی سیاست میں ایک اہم پیش رفت قرار دیا جا رہا ہے۔