امریکی نائب صدر جے ڈی وینس نے پاکستان کے سفارتی کردار کا والہانہ انداز میں اعتراف کرتے ہوئے کہا ہے کہ ”ویری گُڈ، وی لو پاکستان“ (بہت اچھے، ہمیں پاکستان سے محبت ہے)۔
یہ بات انہوں نے سوئٹزرلینڈ کے تفریحی مقام برگن اسٹاک میں امریکا اور ایران کے درمیان اہم مذاکرات کے موقع پر میڈیا سے گفتگو کرتے ہوئے کہی۔ جب ایک صحافی نے امریکی نائب صدر سے مذاکرات کے حوالے سے پاکستان کے سفارتی کردار پر سوال پوچھا، تو انہوں نے پُرجوش انداز میں جواب دیتے ہوئے کہا کہ ہمیں پاکستان سے محبت ہے اور آپ نے (مفاہمت کے لیے) جو کچھ بھی کیا، ہم اس کے لیے آپ کے بے حد شکر گزار ہیں۔
امریکا اور ایران کے درمیان جاری اس اہم سفارتی عمل کے دوران امریکی نائب صدر جے ڈی وینس نے پاکستانی وفد سے بھی خصوصی ملاقات کی، جس میں وزیر اعظم شہباز شریف اور فیلڈ مارشل سید عاصم منیر سمیت دیگر اعلیٰ حکام شامل تھے۔ اس ملاقات میں خطے کے امن اور جاری سفارتی کوششوں پر تفصیلی تبادلہ خیال کیا گیا۔