اسلام آباد سمیت ملک کے مختلف شہروں میں زلزلے کے جھٹکے محسوس کیے گئے ہیں، جس سے شہریوں میں خوف و ہراس پھیل گیا۔
خیبرپختونخوا کے متعدد اضلاع میں بھی زلزلے کے جھٹکے ریکارڈ کیے گئے، جن میں ملاکنڈ، مردان، خیبر اور جمرود شامل ہیں۔ اسی طرح سوات، شانگلہ اور دیگر علاقوں میں بھی زمین لرزنے کے باعث لوگ گھروں اور دفاتر سے باہر نکل آئے۔
زلزلہ پیما مرکز کے مطابق ریکٹر اسکیل پر زلزلے کی شدت 5.4 ریکارڈ کی گئی ہے۔ ابتدائی اطلاعات کے مطابق تاحال کسی جانی یا مالی نقصان کی اطلاع موصول نہیں ہوئی۔