پاکستان میں سونے اور چاندی کی قیمتوں میں کمی کا سلسلہ جاری

پاکستان اور عالمی مارکیٹ میں سونے کی قیمتوں میں مسلسل تیسرے روز بھی کمی کا رجحان برقرار رہا جس کے بعد مقامی صرافہ بازار میں فی تولہ سونا 2 ہزار 400 روپے سستا ہو گیا۔

آل پاکستان صرافہ جیمز اینڈ جیولرز ایسوسی ایشن کے مطابق 24 قیراط فی تولہ سونے کی قیمت 2 ہزار 400 روپے کمی کے بعد 4 لاکھ 37 ہزار 436 روپے ہوگئی، جبکہ 10 گرام سونے کی قیمت 2 ہزار 58 روپے کم ہو کر 3 لاکھ 75 ہزار 30 روپے پر آ گئی۔

عالمی مارکیٹ میں بھی سونے کی قیمت میں کمی دیکھی گئی جہاں فی اونس سونا 24 ڈالر سستا ہونے کے بعد 4 ہزار 150 ڈالر پر آ گیا۔

دوسری جانب چاندی کی قیمت میں بھی کمی ریکارڈ کی گئی۔ فی تولہ چاندی 37 روپے سستی ہو کر 6 ہزار 679 روپے کی سطح پر آ گئی۔