پاکستان اسٹاک ایکسچینج میں چینی کنسورشیم کے دیرینہ مسائل حل کردیے گئے ہیں اور پی ایس ایکس کے رئیل اسٹیٹ اثاثوں کی ڈی مرجر اسکیم کی مشروط منظوری بھی دے دی گئی ہے۔
اس کے ساتھ ہی سہولت اکاؤنٹ کی سرمایہ کاری کی حد 10 لاکھ روپے سے بڑھا کر 30 لاکھ روپے کردی گئی ہے اور کیپیٹل مارکیٹ ڈیولپمنٹ فنڈ کا باقاعدہ آغاز بھی کردیا گیا ہے۔
حکام کے مطابق جنوری 2026ء سے اب تک کمیشن کی جانب سے 10 کمپنیوں کے آئی پی اوز کی منظوری دی جا چکی ہے، جبکہ موبائل ایپ کے ذریعے سونے کی تجارت کے لیے ایک آسان ترین انٹرفیس بنانے پر بھی کام تیزی سے جاری ہے۔