سندھ حکومت نے عظیم صوفی شاعر حضرت شاہ عبداللطیف بھٹائی کے عرس کے موقع پر 29 جولائی بروز بدھ کو صوبے بھر میں عام تعطیل کا اعلان کر دیا ہے۔
اس سلسلے میں چیف سیکریٹری سندھ کی منظوری سے باقاعدہ نوٹیفکیشن بھی جاری کردیا گیا ہے۔
نوٹیفکیشن کے مطابق عام تعطیل کا اطلاق سندھ حکومت کے ماتحت آنے والے تمام اداروں پر ہوگا، جس کے تحت 29 جولائی کو صوبے بھر کے تمام سرکاری دفاتر اور متعلقہ ادارے بند رہیں گے۔